Bismillahir Rahmanir Raheem
Hazrat Wahb Bin Munabbeh Raziallahu Ta’ala Anhu ne farmaya ke maine Ikhattar (71) kitaabon mein yeh padha hai ke jab se duniya aalam-e-wujood mein aayi hai uss waqt se Qiyamat tak ke tamaam insaanon ki aqlon ka agar Huzoor ﷺ ki aql shareef se muwaazna kiya jaaye toh tamaam insaanon ki aqlon ko Huzoor ﷺ ki aql shareef se wahi nisbat hogi jo ek ret ke zarre ko tamaam duniya ke registaano se nisbat hai.
“Yaani tamaam insaanon ki aqlein ek ret ke zarre ke barabar hain aur Huzoor ﷺ ki aql shareef tamaam duniya ke registaano ke barabar hai.”
Iss Hadees ko Abu Nuaim Muhaddis ne Hilya mein riwaayat kiya aur Muhaddis Ibne Asaakir ne bhi is ko riwaayat kiya hai.
📚 Hawala Jaat (References):
📘 Zurqani, Jild: 4, Page: 250 Wa Shifa Shareef, Jild: 1, Page: 42
📗 Book: Seerat E Mustafa ﷺ
✍️ Written By: Hazrat Allama Abdul Mustafa Aazmi Alaihir Rahmah